បរិច្ចាគ
English
អំពីអង្គការ
គម្រោង
ទំនាក់ទំនង
ព័ត៌មាន
លិខិតអញ្ជើញ ចូលរួមដេញថ្លៃសម្រាប់គម្រោង (២០២៧)
ថ្ងៃទី៧ ខែសីហា ឆ្នាំ២០២៦
អង្គការមូលនិធិអេស៊ីលីដា-ចារឌីនសម្រាប់ការអប់រំ សូមគោរពអញ្ជើញ ក្រុមហ៊ុន ឬឯកត្តបុគ្គល ចូលរួមដេញថ្លៃសាងសង់អគារបឋមសិក្សាកោះទន្សាយសែនជ័យ ស្ថិតនៅក្នុងភូមិកោះទន្សាយសែនជ័យ ឃុំថ្មកែវ ស្រុកសៀមប៉ាង ខេត្តស្ទឹងត្រែង និង បឋមសិក្សាភ្ញាក់រលឹក ស្ថិតនៅក្នុងភូមិភ្ញាក់រលឹក ឃុំធ្មា ស្រុកជ័យសែន ខេត្តព្រះវិហារ ដោយគ្រាន់តែទាញយក និងបំពេញតាមលក្ខខណ្ឌដែលបានកំណត់ ក្នុងឯកសារដេញថ្លៃ រួចផ្ញើមកលោក មាស សុជាតិ លេខទូរសព្ទ ០១៥ ៥០០ ៧២៨, អគារលេខ៦១ មហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ នូវ (១) សេចក្តីប្រកាសក្រមសីលធម៌វិជ្ជាជីវៈ (២) (ឧបសម្ព័ន្ធ(៣) បញ្ជីរាយចំណាយលើសម្ភារ និងពលកម្ម (BoQ) និងបញ្ជីទូទាត់ចំណាយតាមដំណាក់កាល និង (៣) ឧបសម្ព័ន្ធ(៤) ទម្រង់ប្រកាសលក្ខខណ្ឌនៃការដេញថ្លៃ ច្បាប់ដើម ត្រឹមម៉ោង ១៦:០០នាទីល្ងាច ថ្ងៃទី៤ ខែកញ្ញា ឆ្នាំ២០២៦ ដោយមានការបិទជិតបានត្រឹមត្រូវ ។
ក្រុមហ៊ុន ឬុឯកត្តបុគ្គលដែលមានគុណសម្បតិ្តគ្រប់គ្រាន់ មិនមានអំពើពុករលួយ ក្លែងបន្លំ បង្ខិតបង្ខំ បំពាន ឬធ្វើឲ្យរាំងស្ទះអ្វីមួយក្នុង កំឡុងពេលដេញថ្លៃ ចុះកិច្ចសន្យា សម្រាប់សាងសង់សាលា នឹងត្រូវវាយតម្លៃ ផ្តល់អនុសាសន៍ ដោយគណៈកម្មការគ្រប់គ្រងគម្រោង និងអនុមតិដោយប្រធានអង្គការ ។
អេស៊ីលីដា-ចារឌីន រង់ចាំទទួលឯកសារដេញថ្លៃដែលមានលក្ខណៈគ្រប់គ្រាន់ពីក្រុមហ៊ុន ឬឯកត្តបុគ្គលទាំងអស់ ។ ជាថ្មីម្តងទៀតសូមថ្លែងអំណរគុណយ៉ាងជ្រាលជ្រៅទុកជាមុនសម្រាប់ការចូលរួមដេញថ្លៃជាមួយយើងខ្ញុំ !!!
សូមទាញយក និងបំពេញឯកសារដេញថ្លៃ
អង្គការមូលនិធិអេស៊ីលីដា-ចារឌីនសម្រាប់ការអប់រំ បានទទួលពានរង្វាន់បរធនបាលកិច្ចឆ្នើមសម្រាប់ឆ្នាំ ២០២៥
មូលនិធិអប់រំ អេស៊ីលីដា-ចារឌីន ទទួលបានពានរង្វាន់ "បរធនបាលកិច្ចឆ្នើមសម្រាប់ឆ្នាំ ២០២៥" នៅក្នុងកម្មវិធី "វេទិកាបរធនបាលកិច្ច ឆ្នាំ២០២៦" ក្រោមមូលបទ "បរធនបាលកិច្ចក្នុងជវភាពនៃប្រព័ន្ធតួអង្គតែមួយ និងសមិទ្ធផលក្នុងរយៈពេល ៥ ឆ្នាំ"។
ពិធីដាក់សម្ពោធឱ្យប្រើប្រាស់ជាផ្លូវការអគារបឋមសិក្សាចំនួន ១៥ អគារ នៅក្នុងតំបន់ដាច់ស្រយាល
កាលពីថ្ងៃទី២៧ ខែមករា ឆ្នាំ២០២៦ អង្គការមូលនិធិអេស៊ីលីដា-ចារឌីនសម្រាប់ការអប់រំ បានរៀបចំពិធីដាក់សម្ពោធឱ្យប្រើប្រាស់ជាផ្លូវការអគារបឋមសិក្សាចំនួន ១៥ អគារ នៅក្នុងតំបន់ដាច់ស្រយាលនៃខេត្តចំនួន ៥ ដែលត្រូវបានសាងសង់ឡើង ដោយអង្គការមូលនិធិអេស៊ីលីដា-ចារឌីនសម្រាប់ការអប់រំ ក្រោមអធិបតីភាពរបស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។
គម្រោងទី១២ បានបញ្ចប់ជាស្ថាពរ
ថ្ងៃទី០១ ខែកក្កដា ឆ្នាំ២០២៤
មូលនិធិអេស៊ីលីដា-ចារឌីនបានបញ្ចប់ការសាងសង់អគារសិក្សានៃសាលាបឋមសិក្សាត្រពាំងព្រីង ដែលជាគម្រោងទី១២ របស់ខ្លួន មានទីតាំងស្ថិតនៅភូមិចំរើន ឃុំស្រែសង្គម ស្រុកកោះញែក ខេត្តមណ្ឌលគិរី នៅថ្ងៃទី២៨ ខែមិថុនា ឆ្នាំ២០២៤ កន្លងទៅនេះ ហើយបានប្រគល់ជូននាយកសាលា ដើម្បីឲ្យសិស្សានុសិស្សចូលរៀន នៅថ្ងៃទី០១ ខែកក្កដា ឆ្នាំ២០២៤។ សូមថ្លែងអំណរគុណចំពោះការចូលរួមដ៏មានតម្លៃរបស់លោកអ្នកសប្បុរសជន កន្លងមក និងបន្តចូលរួមជាមួយយើងខ្ញុំដើម្បីចាប់ផ្ដើមគម្រោងទី១៣ បន្តទៀត។
តម្រូវការមូលនិធិបន្ទាន់
ថ្ងៃទី២៥ ខែមករា ឆ្នាំ២០២៣
តាងនាមឱ្យអង្គការមូលនិធិអេស៊ីលីដា-ចារឌីនសម្រាប់ការអប់រំ (AJF) និងជាប្រធានអង្គការ AJF ខ្ញុំបាទសូមជម្រាបជូនលោកអ្នកថា នៅក្នុងឆ្នាំ២០២៣នេះ ក្រុមប្រឹក្សាភិបាលរបស់អង្គការ បានយល់ព្រមសាងសង់អគារបឋមសិក្សាថ្នីធ្វើអំពីថ្ម ចំនួនបីខ្នងបន្ថែមទៀត ដែលមួយខ្នងមានប្រាំបន្ទប់ មានទីតាំងនៅខេត្តព្រះវិហារ និងពីរខ្នងទៀតដែលមួយខ្នងមានប្រាំបន្ទប់ និងមួយខ្នងទៀតមានបីបន្ទប់នៅខេត្តឧត្តមានជ័យ...
ការងាររបស់យើងខ្ញុំ
ការបរិច្ចាគ
ទំនាក់ទំនង